قلق واضطرابات بين طلاب الفرقة الرابعة بكلية طب المنصورة..والطلبة ترفع شعار مش هنمتحن بسبب جدول الامتحانات المأساوى

مش هنمتحن شعار طلبة طب المنصورة

هدد طلبة
الفرقة الرابعة كليه الطب جامعة المنصورة بتنظيم وقفه احتجاجية غداً
رافعين شعار مش هنمتحن ، لا لتعنت المجلس الأعلى للجامعات ضدنا ، وتأتى
هذه الوقفه من الطلبة تعبيرا عن غضبهم ضد تعنت المجلس لتغيير جدول
الامتحانات ، الذى جاء ضد مصالح الطلبه وأن المواعيد المعلنة صعبة للغاية
لانهم يمتحنون فى اخر العام فقط وليس على ترمين كما فى باقى الكليات على
حد وصف الطلبة .

راقبت منتديات نجوم سمنود رد فعل طلبة الفرقة الرابعة المنصورة فقال أدهم.ز انا مش
همتحن واعملو الي عايزينو ، ويقول أحمد الشربينى انا موافق على الاعتصام
بس برده لازم نروح لرؤساء الاقسام ونقنعنهم انه يشيلو اجزاء كبيرة من
المنهج عشان لو الاعتصام مجبش نتيجة ، ويقول أحمد اشرف يا جماعة لازم نفهم
ان الكلية السنة دى ناوية على الجودة و بالتالى لازم يلتزمو بمعايير
الجودة دى من حيث نظام الحضور و الغياب و عدد الطلاب فى السكشن الواحد و
مواعيد الامتحانات و الفترة بين كل امتحان و التانى يعنى مش بمزاجهم ،
يعنى من الاّخر محدش هيسمعنا و محدش هيعدل فى الجدول كل اللى نقدر نعمله
اننا نطلب تكافئ الفرص بمعنى ان المفروض على الجدول دا السنة الجاية ان
شاء الله المناهج هتتغير و بالتالى احنا هنتظلم جدا بالشكل دا و لازم
رؤساء الاقسام يجتمعو بينا و بيحددولنا اجزاء او يلغو اجزاء مش مهمة و رغم
ان دا مش ممكن هيعوضنا عن سوء الجدول و لكن دا حاجة فى ايدهم يعملوها بدل
ما تحصل كارثة .

وتقول
ألاء محمد أن الجدول كارثة وولو تنفذ اكيد معظمنا هيعد رابعة مرة اخرى ،
ننتظر موعد اعلان الجدول غدا لعل وعسى يكون غلط ويبقى افضل واحنا مش
واخدين بالنا ، ثانيا : اختيار طلبة ممثلة عن الدفعة ونرتب الكلام اللي
هنقوله من حيث تاجيل الجدول لشهر 7 او ان يرجعوا الجدول القديم ويطلعوا
لوكيل الكلية غداااا ، ثالثا: عدم التصرف باندفاعيه وعدم استخدام الفاظ
خارجة عن حدود الادب ولو وقفنا هتبقى وقفة سلمية بدون كلام يعني صامته ،
رابعا : عدم اتخاذ اي اجراءات الا لما الجدول ينزل رسمي ونتفق اساسا بكرة
ان نعمل ايه واحنا واقفين وهنتكلم بهدوء وبعقلانية عشان الوقتي اختلفت
اراءنا ومش هنعرف ننفذ راي كل واحد الشخصي .

والجدير
بالذكر أن الجدول الذى اشيع بين الطلبه لامتحانات الفرقة رابعة طب جاء
كالاتى حقوق انسان 12/6 ، كومينتى - 14/6 ورقه اولى ، كويننتى 15/6 ورقه
تانيه ، كومينتى 16/6 mcq ، انف واذن 18/6 ، رمد 24/6 ، طب شرعى 28/ 6 .

الحمد لله
همااستجبونا
بس فى طلبه موافقه وفى مش موافقه