تاكسى......تااااااااااكسى

كل واحد يسيب اللى فى ايده وتعالوا نشوف ايه اللى هيحصل ده فى وسط الطريق وفى زحمة السيارات وعربيات رايحة وجاية



نادت اميرة وقالت تاكسى......تاكسى



وقف التاكسى أ ميرة:مدينة نصر يا اسطى



سواق التاكسى:ماشى يلا اركبى بسرعة اوام

أميرة:براحة شوية مستعجل على ايه هى الدنيا طارت يعنى

سواق التاكسى:اديكى شايفة الطريق يا مدام

أميرة:انسة لو سمحت!

سواق التاكسى:طيب يا انسة اقفلى باب التاكسى تانى

أميرة:هو انت شايفة مفتوح ما انا قفلته اهوت ..

..سواق التاكسى:ما انا عارف انه مقفول بس مش مقفول كويس افتحيه واقفليه تانى معلش

أميرة:امرى لله اهوت تيييييييك

سواق التاكسى:براحة عالباب انا بقولك اقفليه مش ارزعيه بالشكل ده

أميرة:هو انت لا عاجبك كده ولا كده

سواق التاكسى:على فين فى شارع النصر

أميرة:هو انت اطرش

سواق التاكسى:اللهم طولك ياروح يا مدام مش قولتى شارع النصر

أميرة:تانى مدام قولت لك انسة انت اطرش وكمان معندكش نظر

سواق التاكسى:لا ده انتى زودتيها عالاخرانزلى هنا يا ماما

أميرة:مش نازلة غير لما توصلنى مدينة نصر اصل ماما تعبانة وكيس العلاج فى ايدى اهوت ومش عاوزة اتأخر عليها عشان تلحق تاخد الدوا

سواق التاكسى:طيب اكتمى خاااالص ومش عاوز اسمع نفسك

أميرة:والله انا طيبة وأميرة ياعمو

سواق التاكسى:انا مش عمو ومش ناقص وجع دماغ

أميرة:يعنى تقصد ان انا عاملة لك وجع دماغ

سواق التاكسى:لا ياستى انا اللى دماغى خربانةكويس كده

أميرة:اممممممم وانا اقول ليه سمعت

شارع النصر بدل مدينة نصر

سواق التاكسى:بتقولى حاجة يا انسة

أميرة:لالالا ممكن كلينكس لو سمحت

سواق التاكسى:نعم ياختى عوزانى اضرب كلاكس

أميرة:بقولك كلينكس يعنى منديل بس!

سواق التاكسى:ما تقولى منديل ولا انتى لازم يعنى تتمنظرى عليا خدى منديل اهوت أميرة:لا خلاص مش عاوزة مرسيه

سواق التاكسى:صبرنى يارب اهوت وصلنا مدينة نصر نازلة هنا

أميرة:لسه قدام شوية عند العمود اللى هنا ك ده

سواق التاكسى:انهى عموم يا انسة ما الشارع كله عمدان وشجر



أميرة:العمود اللى جنبه شجرة

سواق التاكسى:ما الرصيف كله شجر يابنتى والنبى ارسى على بر

أميرة:انا مش بنتك يا عمو

سواق التاكسى:طيب يا انسة حضرتك يا فندم تقصدى انهى عمود وعند انهى شجرة؟ أميرة:العمود المنور اللى لونه اسمر وجنبه شجره خضرا

سواق التاكسى:يلا ياشاطرة انزلى هنا انا لا اعرف لاعمود ولا شجرة وانزلى ومش عايز منك اجرة أميرة:يعنى جات عالشوية دول

سواق التاكسى:ما الشوية دول هيخلونى اشدفى شعرى يلا انزلى انا مش متحرك غير لما تنزلى أميرة:يلهوى ده انا نسيت اقولك انا رايحة شارع النصر مش مدينة نصر وانا اقول انا حاسة انى تايهه ليه؟

سواق التاكسى:لالالا انا دلوقت عرفت انتى عاوزة تروحى فين؟؟ انا هوصلك لمستشفى المجانين

ههههههههههههههههههههههههههههههههههههههههه

كل واحد يقولى رايه ف عمو السواق واميرة؟؟؟؟؟؟