مشكلتي الحب

موضوع: مشكلتي الحب الخميس فبراير 11, 2010 10:43 am

لسلام عليكم، أحب أهنيكم وأشكركم على الموقع الرائع ده، أنا مشكلتي زي معظم البنات - الحب- أنا عندي 17سنة وحبيت مرتين ودلوقتي التالتة، كتير بأقول إزاي؟! بس ده اللي بيحصل.

المرة دي أنا ما كنتش ناوية أحب بس اللي حصل إن إحنا كنا أصحاب وقال لي إنه بيحبني، هو شاب زي القمر وأي واحدة تتمنى يكلمها، وهو بيعمل كتير عشاني؛ بس فيه حاجات كتير بتخليني ما اقبلش نكون غير أصحاب؛ منها إن هو عنده إخوات بنات، وباخاف يفكر إني قليلة أدب عشان كده قبلت نكون أكتر من أصحاب، بافضل أقول لنفسي أنا ليه أقبل حاجة على نفسي هو ما يقبلهاش على أخته ويفكر فيّ تفكير وحش.

إحنا السنة دي ثانوية عامة، وخايفة نسيب بعض وده يؤثر على دراستنا، وكمان هو ما شافنيش قبل كده؛ بس الصراحة إحنا بنحب بعض أوي، وباقول: ليه الحب اللي بينا يموت وإحنا بنحب بعض؟ ما دام فيه فرصة يعيش؛ وخصوصا إن هو اتغير عشاني وأصحابه قالوا لي لو سبته مستقبله هيضيع بسببي، وأنا باخاف أقول له نكون أصحاب أحسن لأنه بيتضايق على طول وممكن لا نكون أصحاب ولا أحباب، وأنا باخاف على صداقتنا يضيّعها الحب ده. آسفة إني طولت عليكم ومستنية الرد.

في البدايه نرحب بكي عضو جديد بالمنتدي
زاد منتدانا نورا واشراقا بمشاركتكي معنا
وبتمني ان تسعدي بيننا
وان تجدي الفائدة والمتعه معنا
انا قرات موضوعك
تفكيرك في البدايه سليم ومنطقي انه ممكن يفكر انك موش كويسه
عشان كده الي بيحب انسان لازم يدخل له من طريق صح
خليه يخطبك اذا هو قريب منك عشان ماتخسرو بعض
واذا ماحصل نصيب بتفضلو اصحباب
بس فكري فيها بقلانيه شوي

لكي مني ارق التحيايا

فى البداية اعطر لكى كل تقدير واحترام
واكيد اعطى لكى تحية طيبة على انك اصبحتى عضوة فى منتدنا المتواضع
اننا هنا عبارة عن اخوات
بس اقولك على حاجة حب الثانوية العامة دة لعب عيال
انا بقول كدة عشان انا مجرب 3 سنين ثانوية عامة

صدقينى كل دة لعب عيال اولا هوة ولا يعرف يخطبك ومتقوليش هنحب بعض طول العمر
ومتقوليش بكرة يكبر ويعملها انا شوفت كتير اوى والحمد لله دلوقتى يعنى
فا انا عاوزك تفكرى فى الكلام وتخدى قرارك بنفسك مش انا الى هقولك ولا حد هيقولك قرارك خدية بنفسك لانك انتى الى هتتحملى مسؤلية قرارك مش احنا
مع فائق الود والاحترام
شاهين بيك