عاشقه الوهم مشرفة الصور
عدد المساهمات : 369 تاريخ التسجيل : 01/12/2009 العمر : 33
| موضوع: كلمه بحبك لما جيتنى وقولتها..... الجمعة أبريل 09, 2010 7:13 pm | |
|
*بعد ماعرفوا بعض بأسبوعين......
هو: أنا عايز اقولك على سر شلته فى قلبى سنين
هى: قول مالك؟ هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ يااااااااااه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟ هو: هحبك وتحبينى ياعمرى وكفاية نبقى سوا هى: طب ياحبيبى أنا بقول كده برضه بس مانطولش فى الحكاية ماشى؟
*فاتت سنة غرام وهيام وأحلى كلام.........
هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بس اظبط نفسى فى الشغل واجى اتقدملك على طوووووووول
هى: امتى بقى يحصل ده؟....يااااه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير
*فاتت كمان سنة وهو ولا هنا وهى هتطق من الغيظ......
هى: حبيبى الحكاية طولت اوى احنا هنفضل كده كتير؟ -تعبت قلبى الله يحرقك-
هو: كده ازاى ياحبيبتى؟ مااحنا اشطه اهو وآخر تمام
هى: تمام ايه وهمام ايه؟ هو احنا هنفضل تحت شجرة الجرجير ومقضيينها عصير لمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ده عند أمه ياادهم ... أنا متقدملى عريس كويس وإذا مالحقتنيش هيخطفونى منك
هو: لاااااااااا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى
*أسبوع...اتنين...تلاته.تليفونه غير متاح...مابيردش ....وأما رد....
هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى..قصرى ..خير؟
هى: وهييجى منين الخير ياروحى وانت مانفذتش اللى اتفقنا عليه؟
هو: هو احنا اتفقنا على حاجه؟!
هى: نعم ياروح أمك؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة اللى فاتت الساعة اتناشر وخمسه الضهر
هى: ياواطى ياندل....ماهيتاب؟!!!! طب وأنا؟
هو: ماتغلطيش بس وانسى الجرجير واللمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى
الخلاصة
- مابنى على باطل فهو باطل
- كلمة بحبك بقت اسهل كلمة بتتقال واسهل كلمة بتتنسى
ولا انتو ايه رايكوا ياجماعه مش انا صح برضوه
| |
|
لميس يونس عضو زهبى
عدد المساهمات : 185 تاريخ التسجيل : 23/05/2009 العمر : 33
| موضوع: رد: كلمه بحبك لما جيتنى وقولتها..... الجمعة أبريل 09, 2010 8:52 pm | |
| هههههههههههههههههه تسلم ايدك عاشقه على قصة الحب العنيفه اوى دى | |
|
جوهرة الحياه عضو فضى
عدد المساهمات : 109 تاريخ التسجيل : 23/05/2009 العمر : 33
| موضوع: رد: كلمه بحبك لما جيتنى وقولتها..... الجمعة أبريل 09, 2010 9:00 pm | |
| هههههههههههههههه لالالالالالالالالالالالالالالالالالالا جميله بجد يا عاشقه تسلم ايدك | |
|
من نظرة عين عضو جديد
عدد المساهمات : 7 تاريخ التسجيل : 01/10/2009
| موضوع: رد: كلمه بحبك لما جيتنى وقولتها..... الثلاثاء مايو 11, 2010 3:16 pm | |
| هههههههه ههههههههههههههه هههههههههههههههههههههههه هههههههههههههههههههههههههههههه هههههههههههههههههههههههههههههههههه تسلم ايدك يا قمر
مع خالص تحياتى من نظرة عين للبصريات بسمنود | |
|
كاسبر عضو زهبى
عدد المساهمات : 232 تاريخ التسجيل : 11/03/2010 العمر : 33 الموقع : https://ahmedmazika.ahlamontada.net
| موضوع: رد: كلمه بحبك لما جيتنى وقولتها..... الأربعاء مايو 12, 2010 12:54 am | |
| ههههههههههههههههههههههههههههههههههههههههههههههه اية الموضوع الحلوة الجميل اللى فية جمال يدل على اصحابة بجد جميل جدا ورائع يا عاشقة تقبلى مرورى اخوكى كاسبر
| |
|