الحب طاقة.. نوجّهها كما نريد

أنا ارتبطت بواحد وحبيته أوي وهو كمان،
المهم إني قلت له ييجي يقابل بابا، جه مرة وحدد ميعاد ييجي فيه هو وباباه،
بس اعتذر. المهم الظروف خلصت وطلبت منه إنه ييجي اتحجج بظروف تانية، عمل
كده تقريبا مرتين، واتقدم لي واحد ما يترفضش زي ما بيقولوا. المهم قلت له
قال لي ارفضيه، وأنا والله هاجي لك، وحلف على المصحف إنه كان عنده ظروف.

أولا
بابا رافضه خالص بسبب إنه حدد ميعاد وما جاش، وهو قال لي مالكيش دعوة
بالمشكلة دي أنا هاحلها، ثانيا أنا مش بحب خطيبي خالص، ومش بافكر فيه كل
تفكيري في الأول، وحاسة إن كده خيانة.

المهم أنا عملت خناقة مع
خطيبى علشان أسيبه وجالي واعتذر لي مع إن هو مش غلطان، وهو يتمنى لى الرضا
أرضى، أنا مش عارفة أعيش مع واحد وأفكر في واحد تاني، ولا أسيب حد أي بنت
تتمناه.